الصندوق وصل
وفد الصندوق وصل. وفد الصندوق التفى وفد الجبهة. وفد الصندوق التقى فلان عضو الجبهة اياها. و فد الصندوق قابل علان برضو من الجبهة اياها. محدش فاهم حاجة. وفد الصندوق عايز ايه من الجبهة؟ محدش فاهم حاجة. الطرف الاخر اعلن انه محتاج يتعرف. الطرف الاخر محتاج يعرف اكتر. الطرف الاخر هو الصندوق ذاته. و الصندوق مش عاجبه الوضع.
الصندوق يسمع اكثر مما يتكلم. الصندوق هو الطرف الاخر. فى تساؤلات... فى مبدأ... لكن مع وجود الصندوق, محدش فاهم حاجة. فى نور! فى نور خارج من حزب؟ فى تصريحات منسوبة الى شخص... فى اتهامات للجبهة اياها. و بالتالى فالسلطة ناقصة و الصورة غير مكتلمة. الصندوق قلقان من الموضوع ده. بس الطرف اللى مش اخر مرتاح و مطمن. الصندوق برضه مش مطمن و القرائات كتيرة. بس محدش فاهم حاجة...
الحديث بسيط... بمعنى ان فى ضبابية بس مرئية و محسوسة... الارقام كتيرة و مهمة بس بيقولو متقدرش تشيل الشيلة دى لوحدها.... عالعموم و من حيث المبدأ الصندوق مطلوب... بيقولو... بس مش هو الحل. الصندوق حيحطنا على الطريق... من حيث المبدأ تانى البعض معندوش مشكلة مع الحوار مع الصندوق... الصندوق بيقول عكس كده... اصلهم زى اللى بيدوروا على نقطة سودا فى اوضه مضلمة... و الصندوق غالبا اسود... و الوضة ضلمة كحل.
نقطة.
Comments
Post a Comment
Please share your thoughts, and leave us your comment here.....